Aberri Eguna 2013

Datorrren igandean, martxoak 31, 2013ko Aberri Eguna ospatuko dugu.

Aurten, Independentistak sareak Iruñan ospatuko du, bertan manifestazioa, ekitaldia, bazkaria eta ekimen ezberdinak burutuko direlarik.

Bilbotik autobusa antolatua dago, San Nikolaseko elizatik irtengo dena gozeko 9tan, ostegunerarte duzue apuntatzeko Kirruli Kultur Elkartea. Mesedez ez utzi azken egunerako.

Bilboko udalak terraza izatea galarazi digu

Berriki Bilboko udalak Kirruli Kultur Elkarteak duen tabernari terraza izatea eragotzi dio.

Taberna dagoen inguruneko auzokide bik udalarengana jo dute Kirruliko tabernaren aurka kexatuz, eta horren ondorioz Bilboko udalak urtero berritu beharreko terrazaren lizentzia aurten ez dio berritu Kirruli Kultur Elkarteari eta Udaltzaingoa bidali izan du tabernara terraza ken dezagun.

Ez dago inongo dokumentazio ofizialik kexaren arrazoiaren inguruan, eta ez dugu inongo komunikazio ofizialik jaso. Gardentasun falta duen prozesu batean aurrean gaude, eta argi dago arrazoi politikoak daudela Bilboko udalaren erabakiaren atzean.

Azken finean, Kirruli Kultur Elkarteak ez du bat egiten Azkunak nahi duen Bilbaorekin, eta ez dute oso gustuko gure presentzia Indautxuko auzoan. Indautxuko zenbat jatetxe eta taberna dute terraza? Zergatik soilik Kirruliren aurka ekin?

Terraza izateko eskubidea galaraztea ‘azkunada’ berri bat baino ez da, baina ez dute lortuko ezkertiarrok eta abertzaleok Indautxutik alde egitea. Hemen jarraituko dugu betiko moduan.

Kirruli Kultur Elkarteak terraza izatearen alde sinadura bilketa bati ekin diogu eta gure tabernatik pasa zaitezen zure sinadura ematera gonbidatu nahi zaitugu.

Korrika 2013 Indautxun

Jendet pilo batu ginen aurtengo Korrikara Indautxuko plazan pasa den ostegunean.

Arratsaldeko 7:30ak aldera ailegatu zen, eta bertan Haurreskoeltako ordezkariek lekukoa hartu zuten. Urkixo zumarkalea aurrera egin genuen, Indautxuko AEKko euskaltegiraino, eta Poza kaletik itzulera egin ostean Bizkaia plazaraino, bertan Arte Ederretako museora abiatu ginen.

Indautxun ere euskaldun asko bizi garela erakutsi genuen berriro ere.

KORRIKA Badator!!!!

Ostegunean izango dugu gure artean KORRIKA.

Enekuritik jaitsiko da, ta Deustu zeharkatu ondoren, Olabeagatik Zorrotzaraino joango da.
Ondoren  Bilboruntz etorriko da berriro ere Errekladetik igaroz ta  Zabalbururura ailegatuko da 19:30tan.
Hurtado de Amezaga kaletik Plaza zirkularreraino helduko da 19:40tan, ta Indautxurantz etorriko da, gure auzoko plazara 19:51tan ailegatzea espero delarik.

Euskararen alde, egizu KORRIKA !! 

'Txirlas' askatu !! Bizi osorako zigorrik ez!!

Gaur eguerdian Indautxuko plazan bildu gara Indautxuko auzokidea den Josu amantes 'Txirlas'en askatasuna exijitzeko.
Hogei urte inguru darama preso, egun Galizako espetxe batean, eta bizi osorako kartzelaldia suposatzen duen zigorra ezarri nahi diote.
Datorren asteazkenetik aurrera Estrasburgoko Epaitegiak eman beharreko erabakia oso garrantzitsua da.

Josu Amantes 'Txirlas' askatu. Bizi osorako zigorrik ez!

Datorren larunbatean, martxoak 16, hitzordu garrantzitsua dugu Indautxun.

Auzoko bizilaguna dugun Josu Amantes bizi osorako gartzela zigorra pairatu dezake eta horren aurka publikoki adierazteko Indautxuko plazan konzentrazioa burutuko da eguerdiko 12:30tan.

Josu Amantes 'Txirlas' askatu. Konzentrazioa Indautxun martxoak 16, larunbata

197/2006 doktrina Espainako Auzitegi Gorenak ebatzitako sententzia bat da. Horren ondorioz, 1973ko Zigor Kodearekin zigortutako presoen espetxe onurak eta erredentzioak espetxe zigor bakoitzari aplikatzen zaizkio, eta ez guztira bete beharko liratekeen gehienezko 30 urteko kopuruari, ordura arte egiten zen bezala.

Horrek esan nahi du espetxe zigorrak 30 urtera luzatu egiten direla. Neurri honek eragin larriak ditu euskal presoengan. Haien bizitzako 30 urte, alegia, bizitza oso bat espetxean egoteak eragin oso kaltegarriak ditu, fisikoki zein psikologikoki.

Erabaki hau ezin da ulertu borondate politiko zehatz bati loturik izan barik. Mendekuan onarritutako politika baten barnean.

Pasaden uztailean Estrasburgon kokatua dagoen Europako Auzitegiak, sententzia baten medio, esan zuen doktrina honek  Giza Eskubideen europar hitzarmenaren 5. eta 7. Artikuluak urratzen dituela, askatasun eskubidea eta segurtasun juridikoak dogozkionak hain zuzen, azken honek atzeraginkortasunari egiten diolarik  erreferentzia.

Espainar Estatuak  ebazpena berraztertzeko eskaera egin eta gero Estrasburgoko Auzitegiak tramitera onartu du . Hau erabakitzeko martxoaren 20 an bilduko da, nahiz eta ebazpena oraindik kaleratu ez. Sententzia mantentzen bada, Espainar Estatuak  kunplitzeko exekuzio tramite bat  aurkeztu behar du. Eta ez badu betetzen zigortua izan daiteke.

Auzitegietan 30 askatasun demanda eskatuak gaude, eta ukatzeko argudio bakarra da Estrasburgo ebazpena momentuz firmea ez dela.

Egoera honetan  Josu Amantes indautxuko laguna dago. Josu Amantesek ia 20 darama espetxetik espetxera. 197/2006 doktrina honen bitartez 10 urte gehiago egon behar izango litzateke espexean preso bere espetxe zigorra amaitzeko urte bakarra gelditzen den arren.

BIZI OSORAKO ZIGORRIK EZ!!!!

JOSU AMANTES 'TXIRLAS' ASKATU ORAIN!

197/2006 DOKTRINA ETEN

Injustizia hau salatzeko eta indautxutar honen askatasuna aldarrikatzeko, datorren larunbatean, Martxoak 16, 12:30etan Indautxuko plazan burutuko den konzentrazioan parte hartzera animatzen zaitugu. 

Denon artean ahal dugulako

'Ernai' gazte antolakundearen aurkezpena Bilbon

Gaur, larunbata, Matxoak 9 Bilbo Zaharrean.

Martxoak 8: Emakumeen askapenerako nazioarteko eguna

Somos muchas que cuando empezamos..........Gora borroka feminista!!

Manifestazioa, martxoak 8 (ostirala) 19:30tan Arriagan.

'Korrika'ri buruzko erakusketa Indautxuko AEK euskaltegian

Indautxuko AEK-ko euskaltegian ikusgai izango dugu datorren martxoaren 5etik hilaren 22a arte 'Korrika'ri buruzko erakusketa interesgarri bat.

Erakusketaren inaugurazioa datorren asteartean, martxoak 5, arratsaldeko 7etan burutuko da, eta bertara hurbiltzeko gonbitea luzatzen dugu Kirruli Kultur Elkartetik indautxuko euskaldun orori. 

Gogoratu AEK-ko euskaltegia Urkijo zumarkaleko 81. zenbakian kokaturik dagoela, 1. pisuan.