Cabacasen heriotzaren inguruan «justizia eskatzeagatik» lau gazte epaitu dituzte Bilbon

Lakuako Gobernuaren Memoria eta Bizikidetzaren Kongresuan Iñigo Cabacasen heriotzaren harira «justizia eta Rodolfo Ares Barne sailburuaren dimisioa eskatzeagatik» lau gazte epaitu dituzte Bizkaiko Lurralde Auzitegian.

"Es injusto que nos juzguen por una camiseta, mientras los responsables de la muerte de Íñigo están en su casa"

Auzipetuek «justizia eskatzen zuten kamisetak eramateagatik» epaitu dituztela adierazi dute, «Cabacasen heriotzaren erantzuleak itzalean jarraitzen duten bitartean». Horren aurrean, justizia galdegiten jarraituko dutela esan dute eta deituko dituzten mobilizazioetan parte hartzeko deia luzatu dute.

Iñaki Carro gazteen abokatuaren arabera, «surrealista» da kongresu batean «Cabacasen kamiseta eramateagatik eta justizia eskatzeagatik» desordena publikoa leporatzea. Gertatutakoaren azalpena entzun ostean, fiskalak «zigorrik ez eskatzea» espero du abokatuak.