Atzoko atxiloketen aurrean mobilizazioak burutuko dira gaur arratsaldean herri guztietan

Amnistiaren Aldeko Mugimenduak adierazi du atzoko polizia operazioaren atzean operazio politiko argi bat dagoela.

Azken operazioaren aurrean Amnistiaren Aldeko Mugimenduaren oharra:

Atzo espainiar poliziak burutu zuen operazio poliziaren aurrean Euskal Herriko Amnistiaren Aldeko Mugimenduak honako gogoeta egiten du:

• Ezer baino lehen besarkadarik sentikorrena eskaini nahi diegu une hauetan poliziaren eskuetan aurkitzen diren minitante independentista guztiei.

• Operazio polizial handi honen atzean operazio politiko argi bat dago. Euskal Herria benetako prozesu demokratiko bati lotzeko ahalegina izan da atzoko sarekadarekin zigortu dutena. Herri honetara konponbide demokratiko bat ekartzeko lanari eskuburdinekin erantzun dio espainiar estatuan.

• Euskal Herrian demokrazia ekiditeko daude poliziak, salbuespeneko epaitegiak eta hauen lana zuritzen duten ahots bakarreko komunikakide handiak. Horregatik, demokraziara bidean edozein urrats egin nahi duen orok polizia izango du aurrean.

• Polizialaki eta errepresiboki ausarta den gobernua ahula da politikoki. Estatu espainiarraren ahultasun politikoaren neurria erakusten digu atzoko operatiboak.

• Une hauetan, hitzak alde batera utzi eta herri honetako sektore batek pairatzen duen errepresio mugagabearen aurrean jarrera argia eta konpromiso zehatzak eskatu beharrean gaude Euskal Herriko alderdi politiko, eragile eta sindikatuei.

• Amnistiaren Aldeko Mugimendutik gaur arratsaldean herri guztietan mobilizazioak burutzeko deia egiten dugu.

Atxilotuak:

Donostian:

Sonia Jacinto

Harkaitz Rodriguez

Arnaldo Otegi

Rafa Diez

Rufi Etxeberria

Hernanin:

Mañel Serra

Amaia Esnal

Iruñean:

Txelui Moreno

Miren Zabaleta

Ainara Oiz

(askatu.org weborriatik ataratako albistea)