Datorren igandean Korrika Bilbon

Martxoaren 25an, asteazkena, korrika txikia Indautxun 15:30tan.

Martxoaren 29an, igandea, korrika nagusia Bilbo osoa zeharkatuko eta Areatzan amaituko du bere ibilaldia.

Auzoetako ordutegia:

- 07:16 Enekuri etorbidea

- 07:44 Deustu

- 08:12 Olabeaga

- 08:23 San Mames

- 08:44 Zorrotza

- 09:15 Errekalde

- 09:41 Indautxuko plaza

- 09:41 Plaza Eliptikoa

- 10:04 Zabalburu

- 10:13 Abusu

- 10:41 Alde Zaharra

- 11:01 Santutxu

- 11:57 Udaletxea

- 12:10 Guggenheim

- 12:19 Plaza Eliptikoa

- 12:27 Nabarra kalea

Gazteak Indautxun euskaraz

Heltzear dago abenduaren 3a, Euskararen Nazioarteko Eguna, gure hizkuntzak ematen digun nortasuna eta aberastasuna aldarrikatzeko eguna.
Horregatik, Indautxuko gazteok ere euskeraz bizi nahi dutelako, abenduaren 5ean, ostirala, GAZTEON ARTEKO EZTABAIDA IREKI eta EUSKALDUNAK prestatuko dituzte Kirruli Kultur Elkartean, arratsaldeko 17:30tan, hainbat gai jorratuz:

- "Gazteria eta prekarietatea"
- "Indautxu eta euskara"
- "Gazteak eta feminismoa"
- "Drogak eta aisialdia"

Eztabaida irekiak izango dira eta gaiz, zen mahaiz aldatzeko askatasun osoa egongo da, beraz animatu eta etorri kuadrilaka zein bakarrik!
Indautxun euskara sustatzeko tresnarik onena gazteak garelako, has gaitezen gure artean euskeraz egiten!
ZABALDU!

www.uriola.info, proiektu berria Bilbon martxan

Bilbon informazioa euskaraz, digitalean eta auzolanean zabaltzen duen hedabide baten falta zegoela ikusita uriola.info sortu dugu BERTON, PREST! eta BILBO HIRIA IRRATIAk TOKIKOMen laguntzarekin; betiere beste euskarazko hedabideei ateak zabalduz. Horrela komunikabideetan ahotsik ez duten Bilboko auzo, elkarte, talde, eragile eta abarren ekintzak ez dira ezerezean geldituko jendearengana heldu ezinik.

Uriola.info hedabide bat baino askoz gehiago da; plataforma bat. Bertan, Bilboko euskarazko hedabide ezberdinen informazio bateratua kontsumitu ahalko dugu eta hori gutxi balitz, hiritarrek parte hartzeko eta informazioa helarazteko aukera zabala izango dute.

Bi modu daude horretarako, erabiltzaile bihurtzea edota plataformako kide izatea. Erabiltzaileek albisteetan euskara hutsezko erantzunak emango dituzte eta kideek aldiz, argazkiak, artikuluak, iruzkinak zein bestelako edukiak sortu ahalko dituzte. Norbanako bakoitzak erabakiko du kide edo erabiltzaile izango den.

Erabiltzaileek plataforman bertan toki pertsonalizatua izan dezakete, profill bat; blog pribatua baina zabalkunde publikoarekin.

Erabiltzaileei, behar izanez gero, uriola.info-ren erabilera azalduko zaie ikastaro txiki baten bidez edo argibide orri bat helaraziz.

Beraz, uriola.info-k informazio emari ezberdinak izango ditu.

1. Zuk (zuek) sortutakoa. Norbanakoek euren kabuz bilbotarrei helarazi nahi dieten informazioa.

2. Uriola.info-k sortuko duena. Bilbon ematen diren prentsaurreko, ekitaldi, egitasmo eta berrien zabalkundea.

3. Kanpo blogak eta web orrialdeak. RSS bidezko lotura izango dute uriola.info-rekin.

4. Bilboko euskarazko hedabideen informazio jarioa. Bilboko hedabide ezberdin ugari dira uriola.info sortzen dutenak eta horien guztien informazioa plataforman kontsumitu daiteke zuzenean. Adibidez, BERTON eta PREST! aldizkariek eta BILBO HIRIA IRRATIAk argitaratutako oro.

5. Sare sozialetatik (Facebook eta Twitter momentuz) datorren informazioa.

Nortzuk dira kideak? Nortzuk erabiltzaileak?

· Erabiltzaileak. Izena edo ezizena eman osteaz, argitaratutako albisteetan erantzuteko aukera izango duzu, baina bestelako edukirik gehitzeko aukerarik ez duzu izango.

· Kideak. Izen-abizena duten erabiltzaileak dira, anonimoak ez diren norbanako edo taldeak. Horiek, argazkiak, artikuluak, iruzkinak eta bestelako edukiak gehitzeko aukera izango dute, baita erantzunak emateko ere.

Zer egin kide egiteko eta edukiak gehitzeko?

· Sare Sozial bidez. Sortu zure erabiltzaile profila eta, ondoren, lotu kontu hori sare sozial batekin (Facebook edo Twitterrekin, momentuz). Sare sozial horietan kontua baduzu, automatikoki agertuko zara `kide´ moduan sare horretan dituzun datuekin (argazkia eta izen-abizenak).

· Kide izaera eskatuta. Bete uriola.info-n, Sartu atalean, zure datuak: izen-abizenak, biografia... eta igo zure argazki bat. Ondoren, zure profilean eskatu uriola.info-ri kide izaera. Kudeatzaile batek ziurtatuko du benetako datuak eman dituzula eta eskaera onartuko dizu. Hortik aurrera, zure iruzkinak, argazkiak, bideoak... edo zure kanpoko bloga uriola.info-ra lotzeko aukera izango duzu.

Behin izena emanda edozer esan dezaket?

Ez, noski. Gogoratu arau sinple hauek:

· BAT. Uriola.info-n parte hartzeko erregistratu beharra dago. Alegia, erabiltzaile bihurtu.

· BI. Erantzunetan edo bestelako ekarpenetan, uriola.info-k akusazioak eta irainak ez ditu onartuko. Halakoak baleude, uriola.info-k kentzeko eskubidea dauka.

· HIRU. Testua euskaraz idatzi behar da. Bestela, uriola.info-k kendu egingo du.

'Bertsolari' filma, zuzendaria eta bertso-saioa Abandon

Bertsolariak bat-batean botatzen ditu bertsoak euskaraz. Ahozko tradizio honek jakin du eboluzionatzen eta gure egunotara egokitzen, bai eta belaunaldi gazteekin konektatzen ere. Estetika soileko artea izanik, harridura sortzen du ikusgarritasuna eta efektu bereziak nagusi diren egunotan. Azken bertsolari txapelketa nagusian, 14.000 lagun elkartu ziren zortzi bertsolari zuzenean ikusteko. Film hau bat-bateko poesian, isiltasunean eta arte biluzian egindako bidaia da. Zuzendariak berak azaltzen duenez: “Gaiak berak lagundu digu estimulu moduan filma sortzeko prozesuetan. Asko gozatu dugu inprobisatzen, gidoia filma egin ahala idazten, lehenik amaiera pentsatzen –bertsolariek egiten duten bezala–, bertsoen egitura eta pelikularena alderatzen, isiluneekin eta biluztasunarekin jokatzen, bertigoarekin”.

Filma ikusteko aukeraz gain...

- Amaia Iturriotz, Malen Amenabar, Txaber Ormazabal eta Peio Ormazabal bertsolaritza saioa eskianiko dute.

-  Asier Altuna, filmaren zuzendaria eta Gaizka Bourgeaud, filmaren argazki-zuzendariaren hitzak entzuteko aukera izango duzue.

Azaroak 12, asteartea, 19:45tan Teatro Camposeko 'Cupula' gelan (Bertendona kalearen 3. zenbakian) 

LOMCE ez! Euskal Herrian gure hezkuntza eraiki! El 12 de Octubre, tod@s a la mani

Cuando tanto el Parlamento de Nafarroa como el de Gasteiz, la práctica totalidad de la comunidad educativa, alumnado, profesorado, trabajador@s, madres y padres... han exigido la inmediata paralización de su tramitación, ¿quién es el gobierno de Madrid para imponer a nuestras hijas e hijos la LOMCE (Ley Orgánica para la mejora de la calidad educativa)?

Españolizadora, centralizadora, uniformizadora, una ley que va contra la equidad y la pluralidad, segregadora, adoctrinadora, contraria a la normalización del euskera... una bomba en el corazón de este Pueblo! Toman como excusa para esta reforma la necesidad de mejora del sistema educativo y los resultados académicos. Pero a todas luces esta ley no tiene ninguna justificación, y mucho menos en Euskal Herria (Hego Euskal Herria). Está a años luz de nuestra realidad y necesidades. Nuestra tasa de fracaso escolar y el porcentaje de quienes han acabado la ESO son parejos a los datos europeos, muy lejos de los porcentajes del Estado. Lo mismo podemos decir sobre los datos de la evaluación PISA. Por lo tanto, las razones esgrimidas son completamente falsas, desde la primera a la última!

La educación es la columna vertebral de todo país y el idioma su corazón. Bien que lo sabe también el PP. Tiene muy claro que España y el español deben ser la patria e idioma únicos de todos. España una grande y libre! Pero aquí, en casa tenemos muy claro que es Euskal Herria nuestro pueblo y el euskara nuestra lengua.

Porque la LOMCE es un insulto insoportable como pueblo y a cada uno de nosotr@s, ha llegado el momento de responder con racionalidad y desde el corazón, el momento de defender nuestro pueblo y nuestra lengua: el próximo sábado, 12 de Octubre, en la manifestación de Bilbo démosle al gobierno de Madrid una respuesta firme y contundente entre toda la ciudadanía, alumnado, profesorado, trabajador@s, madres y padres de Euskal Herria. En la educación tampoco aceptamos imposiciones! LOMCE EZ! Euskal Herrian gure hezkuntza eraiki!

Indautxuko Iragana hurbila gogoan

Indautxun, Kirruli Kultur Elkartean, 2009an Korrikaren alde buruturiko bertso-bazkaria.

Zenbat lagun eta oroitzapen on!!

Ikusi, ikusi.

Korrika 2013 Indautxun

Jendet pilo batu ginen aurtengo Korrikara Indautxuko plazan pasa den ostegunean.

Arratsaldeko 7:30ak aldera ailegatu zen, eta bertan Haurreskoeltako ordezkariek lekukoa hartu zuten. Urkixo zumarkalea aurrera egin genuen, Indautxuko AEKko euskaltegiraino, eta Poza kaletik itzulera egin ostean Bizkaia plazaraino, bertan Arte Ederretako museora abiatu ginen.

Indautxun ere euskaldun asko bizi garela erakutsi genuen berriro ere.

KORRIKA Badator!!!!

Ostegunean izango dugu gure artean KORRIKA.

Enekuritik jaitsiko da, ta Deustu zeharkatu ondoren, Olabeagatik Zorrotzaraino joango da.
Ondoren  Bilboruntz etorriko da berriro ere Errekladetik igaroz ta  Zabalbururura ailegatuko da 19:30tan.
Hurtado de Amezaga kaletik Plaza zirkularreraino helduko da 19:40tan, ta Indautxurantz etorriko da, gure auzoko plazara 19:51tan ailegatzea espero delarik.

Euskararen alde, egizu KORRIKA !! 

'Korrika'ri buruzko erakusketa Indautxuko AEK euskaltegian

Indautxuko AEK-ko euskaltegian ikusgai izango dugu datorren martxoaren 5etik hilaren 22a arte 'Korrika'ri buruzko erakusketa interesgarri bat.

Erakusketaren inaugurazioa datorren asteartean, martxoak 5, arratsaldeko 7etan burutuko da, eta bertara hurbiltzeko gonbitea luzatzen dugu Kirruli Kultur Elkartetik indautxuko euskaldun orori. 

Gogoratu AEK-ko euskaltegia Urkijo zumarkaleko 81. zenbakian kokaturik dagoela, 1. pisuan.

 

Ezagutu zuzeu.com

Zer da ZuZeu?

ZuZeu orainkari digitala da, Internetzale euskaldunok munduari begiratzeko leiho moduko bat. 2009ko Apirilean jarri zen abian, irabazi asmo gabeko ekimena delarik.
Blogen blog moduko bat ere izan nahiko luke ZuZeuk, nor bere aldetik ibili beharrean, elkarren ondoan hobeto gaudelakoan.

Euskaraz sortutako albiste eta iritziez gain, beste hizkuntzetatik hartutako edukiak ere eskaintzen dira hemen esteken bidez, Internet zale euskaldunak bai baitakizki beste hizkuntza batzuk ere.

Baina, batez ere, ZuZeuren helburua, erabiltzaileek eurek orainkari digital bat egitea da. Horizontalki, sare sozialak sortuz.

Zer eskaintzen du?

Denetarik:
 - Euskaldun blogari ezagunen artikuluak
- Sailak / Gaiak: ekonomia, ekologia, tekno, Euskal Herria, Kirola, Kultura, Zientzia,Arkitektura, 
  Komunikazioa, Hizkuntzalaritza, Gastronomia....
- Komunikabide euskaldunak: Argia, Berria, Bizkaiko Irratia, EITB, Gaur8, Hamaika, Info7,...

Bisita ezazu: http://zuzeu.com/

Gabriel aresti gogoan Abandon

Bilbok eman duen poetarik onenetarikoa goaoan izango dute laister Kafe Antzokia eta bere izena daraman euskaltegiko lagunek.

Euskalduna, ezkertiarra, polemikoa, kritikoa, lagunak eta etsaiak izan zituen Euskal Herrian, eta behar baino goizago hil egin zen.

Animatu eta parte hartu haren omenez antolatu diren ekitaldietara.

Txillardegi gogoan

Txillardegiren itzala oso luzea da Euskal Herriko politikagintza, hizkuntzalaritza eta literaturan. ETAren sortzaileetako bat izan zen, eta Altsasuko mahaiaren, Herri Batasunaren eta Aralarren sorreran ere parte hartu zuen.

Gaztaroan hasi zen Txillardegi gazte mugimendu abertzalean, eta Euskal Herriaren eta euskararen alde borrokatu zen. Gurasoek ez zioten euskara irakatsi, baina bere kabuz ikasi zuen 19 urterekin. 1948an Bilbora joan zen ingeniaritza ikastera, eta Ekin sortu ostean, 1959an ETA sortu zuen beste batzuekin batera, eta zuzendaritzako kide bihurtu zen, kultura adarrean.

1961ean erbesteratu egin zen, eta Frantzian eta Suitzan bizi izan zen. Baionan Euskal Idazkaritza sortu zuen, euskaltzale batzuekin batera. Euskara batuaren sorreran ere ezinbestekoa izan zen Txillardegi; Krutwig eta Mitxelenearekin batera, hura izan zen bultzatzaile nagusienetakoa.

Baionan abiatutako elkarlanaren ondorio, ortografian eta morfologian oinarrizko arau batzuk adostu zituzten euskara baturako, eta 1965ean agiri batean argitaratu zituzten. Proposamen gehienak geroago Euskaltzaindiak onartu zituen Arantzazuko Batzarrean. Euskaltzain urgazle zen 1957tik, eta Euskaltzaindiko Ahoskera Batzordeko kide zen, 1993an batzorde hori sortu zenetik.

Haren idazle ibilbidea ere oparoa da, eta euskal literaturan berrikuntza nabaria ekarri zuen Leturiaren egunkari ezkutua eleberriarekin; hori hartzen da euskal nobelagintza modernoaren sorreratzat. Jesus Mari Lasagabaster euskal literatur kritikari aitzindariak eman zion Leturia-ri lehen euskal nobela modernoaren izendapena edo titulua. 

Jose Luis Alvarez Enparantza "Txillardegi"-ri egindako elkarrizketa from Gara Bideoak on Vimeo.

Otra de recortes: Udako Euskal Unibertsitatea

UEUk Eusko Jaurlaritzan zuen partida izenduna kendu izana salatu du

Udako Euskal Unibertsitateak (UEU) Eusko Jaurlaritzako Hezkuntza Sailburuak UEUren zuzeneko dirulaguntza osoa kendu izana salatzen du. 

Egoera honek UEUk bere jardueraren azterketa sakona egitera behartzeaz gain, egiturazko murrizketak ere ekarriko ditu.

Hala ere, UEUk tinko azpimarratu nahi du erabaki politiko honek ez duela bere jarduera etengo eta lan egingo duela bere bazkideen, instituzioen eta gainontzeko eragileen babesa jasotzen, orain arteko bere ekarpenak aurrera jarrai dezan.

Informazio gehiago 

Bilbon, euskaraz bizi nahi dugu

Bilboko Euskalgintzak euskararen eguna ospatzeko, abenduaren 1etik 4ra ekintza eta eskaintza ezberdinak antolatuko ditu “Euskaraz bizi nahi dut” lelopean.
 

Euskalgintza euskararen aldeko eragile eta elkarteen bilguneak, euskararen eguna egun bakar batera mugatu baino lau egunetan zehar ospatzea erabaki du aurten. Horrela, abenduaren 1etik 4ra hainbat egitasmo antolatuko dituzte ″jendearen euskararekiko burujabetasuna bultzatzeko″ eta ″Udaletxeko hizkuntza politikan aldaketak eskatzeko″.

BERRIAk gure laguntza ekonomikoa behar du

Erle mulkoek toki egokia aukeratu behar izaten dute erlauntzarentzat. BERRIAk ere erabakiak hartu ditu orain arte; besteak beste, sarean ahalik eta informazio eskaintzarik aberatsena eta ugariena egitea, euskaraz.


Azken urteotan, hedabideak sakon aldatzen ari dira. Egunkarien salmenta jaisten ari da (BERRIArena ez da hainbeste apaldu, harpidedunen leialtasunari esker), eta informazioa sarean jasotzen dutenen kopurua gora doa etengabe. www.berria.info webguneak, adibidez, batez beste 18.000 bisitari ditu egunero (175.000 bisitari bakar eta 500.000 bisita hilean).

Etorkizunera begira jartzeko sarean proiektu sendoa eskaintzearen garrantziaz jabetzen garelako, urtetik urtera gure eskaintza zabaltzen ari gara webgunean: edizio jarraitu osatuagoa, Berria TB, www.berriketan.info, webgune bereziak, bideoak... eta guztia, DOAN. Bide horretatik jarraitzeko, argi dugu edukien lanketari lotutako negozio eredu berriak sortu behar ditugula, eta horretan ari gara.

Baina paperaren salmentaren eta publizitatearen jaitsierak (azken urteetan, %30 galdua da, 1.300.000 euro) oso egoera zailean jarri du BERRIA Taldea; sareko publizitateak ez du ematen, eta etorkizunean ere ez dirudi emango duenik www.berria.info gisako proiektu bati eusteko lain.

Edukiak libre eta doan ematen jarraitzeko eta sareko zein papereko eskaintzari eutsi eta osatzeko, herritarren sostengua eta bultzada behar dugu. Zure ziztada behar dugu. BERRIA proiektuak, euskarazko komunikabide nazionalak aurrera egin dezan, 5.000 laguntzaile behar ditu.

Izan zaitez berrialaguna: Informazio gehiago

Euskara - katalan mintzataldea Bilbon!

Euskaldunen eta katalandarrean arteko topaketa, euskaraz eta katalandarrez mintza praktika burutzeko.

Asteartero arratsaldeko 20:30etan Goizalde Kultur Elkartean (Bilbo Zaharreko plazan) 

Edozein zalantza izanez gero kontaktuan jar zaitezkete ondoko helbide elektronikoan:  katalankultur@gmail.com

 

Anima zaitezte eta parte hartu!! 

Bildu euskarara

Korrika Bilbon

Badator Korrika! Bilbora Zorrotzatik sartuko da datorren ostiralean, apirilak 15, 17:19etan. Gero
Jesusen Bihotzan 17:55
Deustu: 18:06
San Inazio: 18:13
Indautxuko Plaza: 18:56
Errekaldeko Plaza: 19:07
Zabalburu: 19:23
Moyua: 19:35
Alde Zaharra (Arriaga): 20:04
Uribarri: 20:14
Santutxu (Zabalbide): 20:29
Etxebarrirantz: 21;03
Animo eta parte hartu! Indautxu euskalduna izan dadila nahi dugulako, egin korrika euskararen alde! Aupa zuek!

Abenduaren 3an, euskeraren eguna

BILBOKO EUSKALGINTZAK BIGARREN URTEZ EUSKARAREN EGUN HERRIKOIA ANTOLATU DU ABENDUAREN 3AN

Iazko bide beretik jarraituz, Bilboko euskalgintza eta kulturgintzako hainbat eragile eta taldek bigarren urtez euskararen egunaren antolakuntzari ekin diote, aurtengoan ere administrazioek euren burua zuritzeko egiten dituzten ekitaldi instituzionalen aurrean egun hau izaera herrikoieko aldarrikapen eta jai egun bihurtuz.

Honela, euskaraz bizi nahi duen herri baten aurrean administrazioen utzikeria eta oztopoak salatuaz batera, jai giroan gure hizkuntza nazionalaren nazioarteko eguna ospatzera deitu dituzte bilboko biztanleak "EUSKARA JANTZI ETA ERABILI" lelopean, horretarako egun osoko egitaraua prestatuz.

Antolatzaile eta laguntzaileen artean AEK, Euskal Herrian Euskaraz, Zenbat Gara, hainbat konpartsa (Abante, Algara, Hau Pittu Hau, Altxaporru...), 7 katu, Sortzen Ikasbatuaz, EHBE, Berbaizu, Euskarri, Ttanttaka, Bilbo hiria irratia, Gaztedi, Ximelgorri aisialdi taldea eta Bilbao Musika Eskolako ikasle eta irakasleak topa ditzakegu.

Egitaraua:
- 12.00 EHEk deituriko kontzentrazioa izango da udalean "Bilbo euskalduna orain! euskararen ordenantzak onartu!" lelopean.
- 17.00 Umeentzako jolasak (puzgarriak eta tailerrak) Plaza berrian
- 19.00 euskararen pregoia euskaltzaindiatik, athletikeko nesken eskutik. Bertan abesbatzak, musikariak, bertsolariak... egongo dira.
- Ondoren, kalejirak alde zaharretik: gaztetxea, bilbo kantari eta konpartsak. Ekarri kamiseta!
- 22.00 Bertsorastafaria 7katun

Abenduaren 3a, Euskararen Nazioarteko Eguna

Urte asko pasatu dira Argentinako diasporako euskaldunek 1949an lehen euskara eguna antolatu zutenetik. Aurten, urtero bezala, hamaika ospakizun izango dira munduan zehar diasporako euskaldunek antolatuta eta munduko bazter horietan guztietan ezezik, Bilbon ere kalera irtengo gara euskara jantzi eta erabili lelopean. Zoritxarrez, oraindik ez gaitezke ospakizun hutsetara mugatu harik eta etxean, kalean, lanean, aisialdian eta udaleko plenoetan ere euskara normaltasun osoz jantzi eta erabili arte. Nork bere ardura hartu behar du. Administrazioek ere, Bilboko Udalak kasu, artez egin behar dute jostun lana neurri egokiak hartuz, behar besteko laguntza emanez eta benetako normalizaziora eramango gaituen sustapen lana eginez. Bestalde, euskaldunok egunero jantzi beharreko jantzia dugu euskara, ez okazio berezietan soilik; eta, bide batez, armairuan begiratuta, jantzirik ez badugu, edo daukaguna eskasa baldin bada, euskaltegira hurbiltzea daukagu.

Eta horren harira gatozkizue Bilboko Plaza Barrian eta Zazpi Kaleetan aurtengo Euskararen nazioarteko Egunerako antolatu dugun ekitaldiaren berri ematera. Gure eta nahi duen ororen egunerokotasunaren isla izango den ekitaldi xumea:

Arratsaldeko bostetan hasita, umeentzako puzgarri eta jolasak izango dira; zazpietan musikaz beteko dugu Plaza Barria. Zazpi eta erdietanEuskaltzaindiaren egoitzatik aurtengo “Euskararen Pregoia” entzuteko parada izango dugu Athletic-eko jokalari eta euskararen sustatzaile denKoikili Lertxundiren eskutik. Bien bitartean bertsolariak, Bilboko zenbait abesbatza, dantzari eta musikari ere bertan izango dira. Ondoren, 3 kalejiratan banaturik, jai giroa izango dugu Zazpi Kaleetan barna. Amaitzeko, gaueko hamarretan BertsoRastAfaria izango da 7 katun.

Euskeraren eguna