1970 hamarkadaren bigarren erdian, hainbat gertaera larri izan ziren. Haien erantzukizunak inoiz ez ziren aitortu, ezta egia ere. Adibide batzuk, Gasteiz 1976an, Jurramendi 1976an, Sanferminak 1978an, Gladys del Estalen erailketa Tuteran 1979an… Estatuaren eta bere aparatuen inplikazio zuzena edo zeharkakoa izan zuten gertaerak, Euskal Herrian (Nafarroan, funtsean) trantsizioaren bilakaera odolez eta beldurrez markatu zutenak. 1978ko uztailaren 8an Euskal Herri osoa astindu zuten gertakari batzuk sanferminak eten egin zituzten. 1978ko Sanferminetan, polizia espainiarrak Germán Rodríguez Saiz erail zuen eta dozenaka lagun (horietako 11 balaz) zauritu zituen.
Datorren astearte honetan, Urtarrilak 10, 1978ko Sanferminak eta German Rodriguezen heriotza hizpide dituen "Oroitarria" film dokumentalaren emanaldia izango dugu Argia aldizkariaren eskutik Bilboko Kafe Antzokian, arratsaldeko 19:00tan.
No hay comentarios:
Publicar un comentario