6 hilabete Iñigo Cabacas hil zutenetik

Badira sei hilabete Athleticek Schalcke 04ren aurka San Mamesen binaka berdindu ostean europar ligako finalerdietara ailegatzea lortu zuela. Tamalez horrelako kirol lorpenak urriak direnez, ospatzeko arrazoi ona zen, eta hori egin zuten milaka bizkaitarrek Bilboko kaleetan zehar gau hartan, eta baita gure taberna inguruan, horien artean Iñigo Cabacas.    

Ez zen lehen aldia izan, ezta gutxiago ere, tamalez, ezagutzen ditugu Ertzaintzaren kargak eta euren pilotakadak gure inguru hurbilean. Horregatik diogu Iñigoren heriotza ezin dela nahigabeko gertaera baten gisa aurkeztu, edo istripu bat moduan, ertzainek burua galtzen baitute horrelako gertaeretan eta pilotakadak jaurtitzen dituztelako edozein lekura (gerritik behera zein gora) jendea hurbil egonik ere.

 

Ahaztu behar ez den beste kontu bat Ertzaintzaren karga Kirruli Kultur Elkartearen parean eman zela, eta hau ez zen kasualidadea izan. Ertzainek bazekiten gure lokalaren inguruan ia edozer egiteko baimena bazutela berain nagusiengandik, azken finean ezkertiar eta abertzaleeei egurtzea dohain izan ohi da, eta besteetan bezala inork ez zuen ezer esango.

Sei hilabete igaro dira, eta ia-ia hasieran bezala gaude: ez dute gertatutakoaren deskribapen zintzo eta osoa egin, ez digute inongo argazki edo bideorik erakutsi han gertatutakoaz, inork ez du bere dimisioa aurkeztu eta inor ez da zigortua izan. 

Epaitegiek erabaki dezatela esango dute, baina irizpide juridikoez aparte, badaude baita irizpide politikoak, eta sei hilabete hauetan Eusko Jaurlaritzaren jokaera guztiz lotsagarria izan da. 

Iñigo eta Ertzaintzaren jarreraren ondorioz zauritutako gogoan.

Justizia nahi dugu !!

Asteartean, Urriak 9, goizeko 11:00tan konzentrazioa Buenos Aires kaleko epaitegien aurrean