ZukGua prozesuaren aurkezpena Indautxun

Zer da gazte ZUKGUA?

Herriz herri abiatu duten gazte prozesua da Zukgua. Prozesu honen bitartez gazte antolakunde bat sortzeko asmoa dute, independentziaren aldeko eta ikuspegi ezkertiarreko gaztez osatuko dena. Jatorria, udan zehar aurrera eramandako hausnarketa eta harreman dinamikan dago. Herriz herri gazteok antolatzeko duten beharraz hausnartu eta ideia hau partekatzen igarotako hilabeteen ostean aterako ondorioa da.

Gazte antolakunde baten beharra dagoela argi dute, orain zer nolako antolakundea nahi duten, zehaztu behar dute. Hortik izena beraren izana ere. Norbanakotik (ZUK, gutako bakoitzak) kolektibora (GU, osatzen dugu). Guztion ekarpena beharrezko baita benetako gazte antolakunde anitz eta zabal bat osatzeko, guztion zaporea eta guztion grina. Baina, ez hori bakarrik, izan ere, kolektibo diren heinean, gazte modura kezka, arazo eta bizi ikuspegi propio bat dutelako, prozesua berak geuretzat ere aberasgarria izango da (gozatu, ikasi, landu, eztabaidatu, partekatu, harremandu…ko garelako).

Indautxun, prozesuaren aurkezpena, larunbatean, urriak 20, eguerdiko ordu 1etatik aurrera.